Молитва о благополучном копании колодца
Господи Боже наш, Вседержителю и Всесильне, творяй вся и претворяяй, точию еже хотети: Иже в непроходных проход обретаяй, неизреченною и непостижимою мудростию: Иже от сухаго камене водным подавый тещи потокам, и жаждущия люди Твоя насытивый: Сам и ныне, Владыко всех, услыши моление нас, недостойных рабов Твоих, и даруй нам воду на сем месте сладкую же и вкусну, довольно убо к потребе, невредительную же ко приятию: яко да и в сем славим пресвятое и великолепое имя Твое, Отца и Сына и Святаго Духа, ныне и присно и во веки веков. Аминь.
Покровителем копателей колодцев считался святой Федор Стратилат (память 21 июня и 21 февраля). К нему обращались с молитвой перед тем, как начать копать колодец.
Тропарь Феодору Стратилату, глас 4
Воинствословием истинным, страс тотерпче, Небеснаго Царя воевода предобрый был еси, Феодоре, оружиями бо веры ополчился еси мудренно и победил еси демонов полки, и победоносный явился еси страдалец. Темже тя верою присно ублажаем.
Кондак великомученика Феодора, глас 2
Мужеством души в веру оболкийся и глагол Божий, аки копие, в руку взем, врага победил еси, мучеников превелий Феодоре, с ними Христу Богу моляся не престай о всех нас.
Молитва при осквернении колодца
Господи Боже сил, вся добра зело сотворивый, очищаяй именем Твоим всякую скверну и нечистоту. Сам и ныне Владыко, прииди в настоящий час образом креста Твоего, очисти кладязь сей от обретшияся ему нечистоты и от впадшаго вонь сквернаго, или гада очисти нас от всякия скверны плоти и духа, и освяти воду сию Духом Твоим Святым. Яко Ты еси освящение наше, и Тебе славу возсылаем, Отцу, и Сыну, и Святому Духу, ныне и присно, и во веки веков. Аминь
