Молитвы при севе

Перед посадкой семена должны быть освящены. Для этого над ними читается молитва на освящение семян, и совершают кропление святой водой.

Молитва на освящение семян для посева

Господи Боже наш, от пречистыя и пребогатыя длани Твоея, предлежащее пред очима Твоима семен подаяние принесохом, Владыко, и сему Тебе вручитися молимся: не бо смеяхом в бездушных земли недрех заключити сия, аще не воззрим на повеление Твоего Величества, повелевающее родити и прозябати земли, и дати семена сеющему и хлеб в снедь. И ныне молимся Тебе, Боже наш, услыши ны молящиеся Тебе, и отверзи нам сокровище Твое великое, и благое, и небесное, и излей благословение твое, донележе удовлимся по неложным Твоим обещанием: и отжени от нас вся снедающая плод наш земный, и всякое наказание праведно проводимое на ны, грех ради наших: и богатая Твоя щедроты ниспосли на все люди Твоя, благодатию и человеколюбием единородного Твоего Сына, с Нимже благословен еси, и с пресвятым и благим и животворящим Твоим Духом, ныне и присно и во веки веков. Аминь.

Посевы и посадки также следует освятить. Перед освящением читается молитва на нивах, затем участок кропится святой водой.

Молитва на нивах

Господи Боже наш, в начале создания Твоего сотворивый небо и землю: и небо убо украсивый великими светилы, еже просвещати на земли и чудитися теми Тебе единому Содетелю и Владыце твари: землю же украсивый злаком и травою и различием семен, сеемых по роду, и всю, цветы покрыв в благоукрашение, благословил еси ю: Сам и ныне, Владыко призри от святаго жилища Твоего на стяжение сие и благослови е: сохрани е неврежденно от всякаго чарования и обаяния и всякаго зла, оплазнства же лукаваго и коварства лукавых человек: и даждь ему принесити плоды во время, исполнены благословения Твоего: и всякаго зверия и гада, червь же и мухи и ржу, зной и вар, и безгодныя ветры, вред наносящыя, отжени от него. Яко освятися и прославися пречестное и великолепое имя Твое, Отца и Сына и Святаго Духа, ныне и присно и во веки веков. Аминь.